Экологи министерстви сунарта упа тытмалли квотăсене çирĕплетнĕ

«Эпир республикăра сунара çÿреме ирĕк панă вырăнсенче хăмăр упасем тытассипе шăпа янин (жеребьевка) пĕтĕмлетĕвне турăмăр. Сунарта упа, пăши тата  хир качаки тытассин квотисемпе лимичĕсене кашни çул ПР Пуçлăхĕн хушăвĕпе килĕшÿллĕн çирĕплетеççĕ. Регионта хăш вырăнта çак чĕр чунсене мĕн чухлĕ тытмаллине 2010 çултан пуçласа шăпа яни урлă пурнăçа кĕртеççĕ» - каласа панă министр.

Çавăн пекех вăл сунарçăсенчен упа, пăши тата хир качаки тытма ирĕк ыйтса 12 пин заявлени килнине палăртнă. Сăмахран, хăмăр упана 18 районта сунарта тытма ыйтса сунарçăсем 3607 заявлени çырнă. Пĕтĕмĕшле вара сунар йĕркелемелли республикăри территорисенче 2600 пуç хăмăр упа шутланать.

Сунара çÿреме ирĕк панине çирĕплетекен хутсене номерсем туртса кăларса пайланă. Шăпа янине rutub-каналта онлай-трансляци йĕркелесе тÿрĕ эфирта кăтартнă.

«Шăпа  яни чылай сунарçăсене сунара çÿреме законлă майпа ирĕк илме май парать», - тенĕ Нияз Фазылов.

Юрий СНЕГОПАД.