Пушкăртстанра сунара çÿрес текенсен экзамен тытмалла пулĕ

Пушкăртстан Республикинчи çут çанталăкпа усӑ курассипе çыхăннă ыйтусемпе ĕçлекен тата экологи министрĕ Нияз Фазылов пĕлтернĕ тăрăх, экзамен теори ыйтăвĕсенчен (сунарта хăрушсăрлăх правилисене, сунар енĕпе çыхăннă чарусене пĕлни), практика заданийĕсенчен (пăшалпа хăрушсăр тата сунар пурлăхĕпе тĕрĕс усă курасси, вырăнти тавралăха сăнама пĕлесси) тăрĕ.

 - Сунар енĕпе çыхăннă пĕлĕве тĕрĕслени сунарçăсем хушшинчи яваплăх шайне ÿстерме, çавăн пекех сунара хăрушсăртарах йĕркелеме тата экологие сиен кÿрессине чакарма май парать. Паянхи кун пирĕн республикăра 80 пин ытла сунарçа шута илнĕ. Саккун улшăнăвĕсене тимлĕн тишкермелле, çут çанталăка тата чĕр чунсене пулас ăрусемшӗн упраса хăварас тесен вĕсене пăхăнса тăмалла, - ăнлантарса панă ведомство ертÿçи.