Çу кунĕсем историре чи шăрăххисем пулма пултараççĕ

Эксперт палăртнă тăрăх, çакă юлашки çулсенче парник газĕсен концентрачĕ ÿснипе  ăшăрах та ăшăрах пулса пынипе çыхăннă. Асăннă процеса хальлĕхе йĕркене кĕртме май килмест. Унсăр пуçне тинĕс температури питĕ çÿллĕ, унăн çиелти сийĕ лайăх ăшăннă.

 - Çакă та атмосфера лару-тăрăвне витĕм кÿрет: тинĕссенчен килекен ăшă сывлăш температурине хăпартать, - ăнлантарса панă Роман Вильфанд.

2025 çул чи ăшă çулсен шутĕнче миçемĕш вырăн йышăнни çулталăкăн иккĕмĕш çурринче паллă пулĕ.