Шурă пăрчăкан усравлăх çурчĕ çинче йăва çавăрнă

Шăпах çавăн чухне мĕнле кайăк çăмарти пулнине пĕлме наука уйрăмĕн ĕçченĕсем пулăшнă. Сăрă тата хăмăр пăнчăллă ешĕл çăмартасене шурă пăрчăкан тунине тĕпчесе пĕлнĕ.

Усравлăх пресс-служби ăнлантарса панă тăрăх, асăннă кайăк çерçирен кăштах пысăкрах, сарнă çунаттисен вăрăмăшĕ 25 см танлашать. Вăл ытларах çĕр çинче вăхăт ирттерет, сайра-хутра йывăç турачĕсем çине ларать. Республикăна март уйăхĕн вĕçĕнче – апрель уйăхĕн пуçламăшĕнче вĕçсе килет. Хăйĕн йăвине чулсем хушшинче, çынсен çурчĕсем çинче, тымарсем айĕнче, çара тĕмсем хушшинче çавăрать.