Пулăçă 50 килограмм таякан çуйăн тытнă

Асăннă хулара «Сезон уçасси – 2025» шыв айĕнчи сунар енĕпе иртнĕ республика фестивалĕн кăтартăвĕсемпе администраци пуçлăхĕ Денис Ирназаров паллаштарнă.

Ăмăртăва Раççейĕн 12 регионĕнчен килнĕ 35 команда, пĕтĕмĕшле 105 çын, хутшăннă. Пулăçăсем виçĕ кун хушши хăйсен трофейĕсене тытма çÿренĕ.

Рекордçăсен списокĕнче 50 килограмлă çуйăнсăр пуçне сазан (12,7 кг), çăрттан (4,4 кг), çупах (1,9 кг), уланкă (1,5 кг) тата хура карас (1,7 кг) пур.

Ăмăртăн пĕтĕмлетĕвĕсем тăрăх, Тутарстанри «Казань сити» команда çĕнтерÿçĕ пулса тăнă.