Пушкӑртстан заповедникӗнче карӑк туйӗн ташшисене ӳкернӗ

"Шульган-Таш" заповедникре фотокапкăн карӑка (глухарь) ҫывӑхран ӳкерсе илнӗ. Пӗрремĕш видеора кайӑк лӑпкӑн апатланать, иккӗмӗшӗнче кăлтăртатса сас кăларса мӑшӑрлану ташшине ташлать.

Заповедник ӗҫченӗ Инсур Рыскулов ӑнлантарнӑ тӑрӑх, çакă май уйӑхӗн варринчех пулса иртнĕ. Анчах ту ҫырминчи шыв шайӗ пысӑк пулнӑран ĕçченсем фотокапкăнсенчи видеосене маларах кăларайман. Халĕ вăл чакнӑ, çавăнпа та хӑйне евӗрлӗ видеокадрсене хăйсем те курма пултарнă, ыттисене те кăтартаççĕ.