Акăш çемйи çынсем патне пынă

- Пĕрремĕш хут акăшсем ялти пĕр хĕрарăм çурчĕ патне пынăччĕ. Кайăксем выçă пулĕ тесе хуçисем вĕсене тырăпа хăналанă, пĕве хĕррине хăваласа янă. Çакăн хыççăн вĕсем çынсем патне пыма хăнăхса çитрĕç, тăтăшах ял урамĕсем тăрăх çÿреççĕ.  Ял çыннисем вĕсене чăрмантармасса тăрăшаççĕ, инкекрен сыхлас тесе айккине хăвалаççĕ, - каласа панă Василя Мамбетова.

Экологи министерствин ĕçченĕсем кайăксене хăратмалла маррине аса илтернĕ.

 - Эпир ял çыннисене кайăксене хăратма тата апатлантарма юраманнине асăрхаттарасшăн. Мĕншĕн тесен çакă вĕсен сывлăхне сиен кÿме пултарать, - тенĕ министерствăра.