2025 çулта республикăра 1,8 миллион йывăç лартнă

Пушкăртстан Республикинчи Вăрман хуçалăхĕн министерствин кăтартăвĕсем тăрăх, республикăра кăçал 470 гектар лаптăк çинче 1,8 миллион çамрăк йывăç лартнă. Çак кăтартусемпе регионти статистика ĕçченĕсем паллаштарнă.

Çулсерен иртекен «Ешĕл Пушкăртстан» акци вăхăтĕнче çуркунне республикăра 153 çĕнĕ тематика аллейи уçнă. Акци шайĕнче çичĕ пин ытла шултра йывăç тата 136 пин ытла ытти хунав лартнă.

Çавăн пекех пирĕн республика асăну йывăççисем лартнă вырăнсен шучĕпе те палăрса тăрать. Аслă Çĕнтерĕвĕн юбилейлă çулĕнче «Çĕнтерÿ», «80», «Çĕнтерĕвĕн Тăван çĕршывĕ» тата ытти сăмахсенчен тăракан геоглифсем (çĕр çинче çырнă ÿкерчĕксем) хатĕрленĕ.

Автор: Ирида Матниязова

Читайте нас