Кÿлĕ хĕрне 500 яхăн акăш вĕçсе аннă

Экологи енĕпе пĕлÿ паракан методист Ирина Сабирова пĕлтернĕ тăрăх, кайăксен шучĕ 500 яхăн çитнĕ. Çав шутра уйрăмах çамрăккисем нумай пулнă. Акăшсем вăрăм çула тухиччен чĕпписене вĕрентеççĕ.

 - Кăçал уйрăмах çамрăк акăшсем, кăçал çуралнă чĕпсем нумай. Танлаштарма, иртнĕ çулхи сезонра вĕсем самай сахалччĕ, - палăртнă Ирина Сабирова.

Çамрăк кайăксен тĕкĕсем сăрă тĕслĕ. Çакă асăннă кÿлĕ хĕррине анса ларма юратакан шипун-акăшсем пулнине çирĕплетет.