86 пин ытла çын çурхи шыв айне лекме пултарать

Енчен те кăçал ейÿ лăпкă иртмесен республикăн районĕсенчи 313 ял-сала тата 44 хула шыв айне лекме пултарать. Вĕсенче вырнаçнă 22 пин ытла çуртра 86 пин ытла çын пурăнать. Çакăн пирки РФ Инкеклĕ лару-тăру министерствин Пушкăртстанри патшалăх комитечĕн преседателĕ Кирилл Первов. март уйăхĕн 23-мĕшĕнче пĕлтернĕ.

Министр сăмахĕсемпе килĕшÿллĕн çынсене эвакуацилеме 334 пункт йĕркеленĕ. Вĕсенче 45 пин çын вырнаçма пултарать.

 - Ейĕве хирĕç кĕрешекен комисси ĕçне йĕркеленĕ. Муниципалитетсемпе пĕрле пăр капланма пултаракан вырăнсене шута илнĕ, 28 муниципаллă пĕрлĕхри 70 лаптăка тимлесе тăраççĕ. Муниципалитетсен территорийĕсем çинче взрыв ĕçĕсем ирттерме майсем йĕркеленĕ, - пĕлтернĕ Кирилл Первов.