+18 °С
Дождь
Эпир тата çут çанталăк
21 Июня , 07:04
99,5 килограмм таякан ҫуйӑн тытнӑ
Чăваш Енри Ҫӗнӗ Шупашкарта пурӑнакан пулӑҫ Атӑлтан питӗ пысӑк пулӑ туртса кӑларнӑ. Пӗр центнера яхӑн таякан ҫуйӑна(сом) Дмитрий Блинов парӑнтарнӑ.
99,5 килограмм таякан ҫуйӑн тытнӑ
Вӑл тусӗпе паян, ҫӗртме уйӑхӗн 20-мӗшӗнче, ирхине пулла кайнӑ. Анчах тӗлӗнмелле пысӑк пулӑ ҫаклатасси пирки шухӑшлама та пултарайман.
Пысӑк пулла туртса кӑларас тесе вӑл унпа 2 сехет кӗрешнӗ. Ҫуйӑн 2 метр та 45 сантиметр тӑршшӗ пулнӑ, 99,5 килограмм тайнӑ.
Палӑртса хӑвармалла: Дмитрий Блинов пӗлтӗр те пысӑк ҫуйӑн тытнӑ, анчах кӑҫалхинчен самай пӗчӗк пулнӑ вӑл – 35 килограмм тайнӑ.
Чăваш халăх сайчĕ.
