Бирск хулинче уй-хир кухнин фестиваль-смотрĕ иртĕ

Фестиваль шайĕнче виçĕ конкурс йĕркелĕç: «Пуртăран пăтă» студентсен кухни, «Салтак пăтти» истори кухни тата «Шефран комплимент» професси кухни. Унта хутшăнакансем 2 сехет хушшинче апат пĕçермелле. Усă курнă рецептăн çирĕплетсе панă историйĕ, факчĕсем пулмалла.

Фестиваль хăнисене поход апатне пĕçерессипе мастер-классем, 1941-1945 çулсенчи уй-хир кухнин кăнтăрлахи апачĕ, ĕлĕкхи вăйăсем тата Бирскри ухăçăсен ăмăртăвĕ кĕтет.

 - Бирск пирки пирĕн регионăн туризм пулăмĕсем иртекен центр тесе калама пулать. Çакăн йышши мероприятисен шайĕ ÿсни савăнтарать. «Манăçа тухнă рецептсем» фестивале кăмăллакансем тупăнасса, вăл йăлана кĕрессе шанатăп,  - тенĕ ПР предпринимательство тата туризм министрĕ Рустем Афзалов.