Фестивале Пушкăртстан Республикинче лашасем ĕрчетес йăлана, кăмăс хатĕрлессине аталантарас тата халăх ремеслине упраса хăварас тĕллевпе йĕркелеççĕ. Çавăн пекех пушкăрт ăратлă лашасен шутне ÿстересси тата вĕсене халăх хушшинче сарасси те пулса тăрать. Мероприяти Баймак районĕнче иртĕ.
Документпа килĕшÿллĕн, фестиваль ирттермелли йĕркелÿ комитечĕн йышне çирĕплетнĕ. Кашни çул йĕркелÿ комитечĕн мероприятие хатĕрленмелли тата ирттермелли ĕç планне йышăнмалла.
Абзелил, Баймак, Белорецк, Бурзян, Зилаир, Зианчура, Учалă районĕсен тата Сибай хула администрацийесене фестивале ирттерес ĕçре йĕркелÿ комитетне пулăшу пама сĕннĕ. ПР правительствин вице-премьерĕ-ял хуçалăх министрĕ Ильшат Фазрахманов мĕнпур ĕçсемшĕн явапли пулса тăрать.
Юрий СНЕГОПАД.