«Башкорт аты» фестивалĕн хăнисене Пушкăрт патшалăх пуканесен театрĕн спектаклĕсенчи сыпăксене кăтартĕç

Актерсем, чылай чухнехи пек, алăри пуканесемпе вылямĕç, сцена çине пысăк маскăсемпе тухĕç. Артистсем каланă тăрăх, вĕсене сцена çинче куçпа сăнран уйăрса  илеймĕн, çавăнпа та сас тăрăх паллама пулать. Çавăн пекех куракансем «Урал- батыр» тата «Акбузат» пушкăрт эпосĕсем тăрăх лартнă «Урал-Батыр», «Сабантуй», «Харсăр сăсар» («Храбрая куница») спектакльсен сыпăкĕсене хак пама пултараççĕ. Актерсем ача-пăча ваййисем йĕркелĕç, камăн кăмăл пур вĕсемпе чуна уçса калаçĕç, тĕрлĕ ыйтусем çине хурав парĕç.

Аса илтеретпĕр, III Пĕтĕм тĕнчери «Башкорт  аты» («Пушкăрт урхамахĕ») фестиваль август уйăхĕн 15-16-мĕшĕсенче Баймак районĕнче Графское кÿлĕ хĕрринче иртет.

Юрий СНЕГОПАД.