«Пушкăрт урхамахĕ» фестиваль хăнисем юланутçăсем вутлă ункă урлă сикнине курĕç

Маттур каччăсен (джигитсен) кăтартуллă та кăсăк хусканăвĕсене Пушкăртстан спортсменĕсем тата Волгоград облаçĕнчен килекен Я.П. Бакланов генерал-лейтенант ячĕллĕ лаша клубĕ хатĕрленĕ. Сăмах кунта темиçе хут Раççейри ăмăртусенче мала тухнă спортсменсем пирки пырать. Хăшĕ пĕрисем тĕнче шайĕнчи кĕрешÿсене те хутшăннă.

Я.П. Бакланов ячĕллĕ лаша клубĕ маттур каччăсен ăмартăвĕсенче çĕршывра яланах çĕнтерÿçĕсем пулнипе палăрса тăрать. Унти воспитанниксем президент полкĕн кавалери эскорчĕн йышĕнче хĕсметре тăраççĕ. Чылайăшсем Раççейри Каскадерсен гилдине кĕреççĕ. Вĕсем хутшăннипе «Мата Хари», «Тихий Дон», «Хождение по мукам», «Легенда о Коловрате», «Анна Каренина», «Последний Богатырь: Корень Зла», «Аманат» фильмсем ÿкернĕ.

Аса илтеретпĕр, «Башкорт аты» («Пушкăрт урхамахĕ») фестиваль август уйăхĕн 15-16-мĕшĕсенче Баймак районĕнче Графское кÿлĕ хĕрринче иртет.

Юрий СНЕГОПАД.

Сăн ÿкерчĕксемпе Я.П. Бакалов ячĕллĕ клуб тивĕçтернĕ.