«Пушкăрт урхамахĕ» фестивальте Махмут Салимовăн «Пушкăрт лаши» кĕнекине хăтлĕç

Махмут Салимовăн хăйне евĕр хайлавĕсен пуххине пушкăрт лаши çинчен каласа паракан кăсăк хыпарсем, халапсемпе калавсем кĕнĕ. Автор лаша пушкăртсемшĕн сумлă чĕр чун пулнине палăртать, йалана кĕнĕ ĕçмене – кăмăса - тивĕçлĕ тимлĕх уйăрать.

Кĕнекере Нур-Мухамат ватă çын хăйĕн пурнăçĕнчи самантсем çинчен каласа пани тата ăна историри пулăмсемпе пуянлатни уйрăм вырăн йышăнать. Вĕсем урлă вулакансем пушкăрт халăхĕн пурнăçĕ, йали-йĕрки çинчен пĕлеççĕ. Яик-паттăр çинчен çырнă легендăри пĕр пая (ăна Нур-Мухамат каласа панă тăрăх хатĕрленĕ) рецензентсем «Урал-батыр» эпоса  малалла тăсакан ĕç тесе хак панă.

Кам пушкăрт халăхĕн историйĕпе, культурипе тата йали-йĕркипе кăсăкланать, çав çынсемшĕн кăларăм хаклă парне пулса тăмалла.

Аса илтеретпĕр, «Пушкăрт урхамахĕ» пĕтĕм тĕнчери III фестиваль Баймак районĕнчи Графское кÿлĕ хĕрринче август уйăхĕн 15-16-мĕшĕсенче иртет.

Юрий СНЕГОПАД.