Ĕпхÿре иккĕмĕш хут «Атя выляма» теттесен фестивалĕ иртĕ

Май уйăхĕн 30-мĕшĕнчен пуçласа июнь уйăхĕн 1-мĕшĕччен Пушкăртстанăн тĕп хулинче «Китап-Байрам» III Тĕнчери кĕнеке ярмаркки, июнь уйăхĕн 5-8-мĕшĕсенче «Атя выляма» теттесен фестивалĕ иртĕ.

Республикăри культура министрĕн Амина Шафикован сăмахĕсем тăрăх, кĕнеке ярмарккин чапĕ çулсерен ÿсет.  Пĕрремĕш хут ирттернĕ чух хутшăннисен шучĕ 203 пулнă пулсан, кăçал 2700-тен иртнĕ. Ĕпхÿри Совет лапамĕнче виçĕ кун хушши литературăпа, театрпа, медицинăпа, туризмпа тата ытти юхăмсемпе çыхăннă тĕрлĕ зонăсем ĕçлĕç.

 Пушкăртстан Пуçлăхĕ Радий Хабиров пуçарнă «Атя выляма» фестиваль июнь уйăхĕн 5-мĕшĕнче уçăлĕ. Культура министрĕн сăмахĕсем тăрăх, кăçал иккĕмĕш хут иртекен мероприяти тетте туса кăларакан производительсем хутшăннипе вăйă зонине çаврăнĕ. Заявкăсем тăтăшах килнине пула унта хутшăнакансен шучĕ хальлĕхе паллă мар.