Пушкăртстан Пуçлăхĕн гранчĕсен конкурсĕн çĕнтерÿçисем паллă

Республика Пуçлăхĕн гранчĕсен фончĕн конкурсне пĕрремĕш хут хутшăннă организацисен шучĕ 143-рен 29-па танлашнă. Комисси 143 заявкăран 121-не конкурса хутшăнма ирĕк панă тата никама пăхăнман экспертизăна яма йышăннă.

Çĕнтерÿçĕсен шутне 27 организаци кĕнĕ: «Çамрăксен политики сферинче»  – 21 проект, « Раççей Федерацийĕн территорийĕнче вырнаçнă аслă шкулсенче пĕлÿ илекен Пушкăртстан Республикин студенчĕсем  республика ят-сумне çÿле çĕклес тĕллевпе пуçарнă проектсем» – 6 проект. Пĕтĕмĕшле уйăрнă укçа-тенкĕ 40 млн тенкĕпе танлашнă.

Пушкăртстан Республикин Пуçлăхĕн гранчĕсен фончĕн конкурсĕнче пĕрремĕш хут çĕнтерÿçĕ ята тивĕçнĕ организацисен шучĕ 27 проектран 12 пулнă. Республикăри муниципалитетсем çĕнтерÿçĕсен проекчĕсен шучĕпе çакăн пек вырнаçнă: Ĕпхÿ – 13, Нефтекамск, Çтерлĕ, Ĕпхÿ, Мелеуз, Абзелил, Баймак, Зилаир тата Янаул районĕсем – пĕрер. Çавăн пекех Пушкăртстан Республикинчен тухнă студентсем пуçарнă проектсем енĕпе Мускав хулипе Челябинск облаçĕ икĕ проект тăратнă.

Мĕнле проектсем кĕтмелле?

2024 çулхи октябрь уйăхĕнче Ĕпхÿре «Атăлçи федераллă округри студентсен отрячĕсен слечĕ» иртĕ. Унта ултă юхăмпа професси ăсталăхĕн конкурсне йĕркелĕç: строительство, педагогика, ял хуçалăхĕ, сервис, медицина тата проводниксен отрячĕсем. Асăннă проекта 176 студент хутшăнĕ.

Давлекан районĕнче «Пĕтĕм тĕнчери аэрокосмос шкулĕ – 2025» иртĕ. Вунă кун хушши пыракан мероприятие Раççейпе Белоруссинчен 14 çултан пуçласа 16 çула çитнĕ 100 шкул ачи, çав шутра Пушкăртстанран 70 хутшăнĕ. Ачасене космонавтика, астрономи, авиаци тата ытти дисциплинăсем енĕпе теори материалне вĕрентĕç.

Челябинск облаçĕнче «Уксылары метеоричĕ» турнир йĕркелĕç. Асăннă проектăн тĕллевĕ пушкăртсен йăлана кĕнĕ ĕç-хĕлне – ухăпа пересси – анлă сарассипе çыхăннă. Унăн шайĕнче шкул ачисемпе студентсем валли мастер-классем, çавăн пекех çĕнтерÿçĕсене тупса палăртас енĕпе турнир ирттерĕç.

Çĕнтерÿçĕсен проекчĕсене 2024 çулхи октябрь уйăхĕнчен пурнăçлама пуçлĕç.