Сибай пĕтĕм тĕнчери алăстисен хули статуса тивĕçме пултарать

Çак ыйтăва «Зауралье-2025» инвестици сабантуйĕнче пăхса тухнă. Шăпах кунта World Craft Council International (WCC)  Пĕтĕм тĕнчери алăстисен канашĕн делегацийĕ килсе çитнĕ. Унăн президенчĕ - Саад аль-Каддуми. Организаци представителĕсем Урал леш енчи чул касакансен ăсталăхне тивĕçлипе хак панă, «Экспорт национальной культуры: камнерезное искусство как метод мягкой дипломатии» секци-аукциона хутшăннă.

Ĕпхÿ Раççейĕн пĕрремĕш хули пулса çакăн йышши статуса тивĕçнĕ. Алăстисен хулисем списока 2014 çулта йĕркелеме пуçланă, паянхи кун унта Иранпа Инди, Китайпа Казахстан , Узбекистанпа ытти патшалăхсен 67 хули кĕнĕ.