М.Шаймуратов ячĕллĕ батальон салтакĕсем валли посылкăсемпе çырусем илсе килнĕ

Пушкăртстан Пуçлăхĕн канашçи Алик Камалетдинов Минигали Шаймуратов ячĕллĕ батальон вырнаçнă вырăна килсе çитнĕ. Фронт лининче вăл Виктор аттепе тата Хамза-хазратпа пĕрле.

«Хамăрăн салтаксем валли тăван килĕсенчен посылкăсемпе çырусем илсе çитернĕ. Каччăсемпе тĕл пулса калаçаççĕ, вĕсене мораль тата психологи тĕлĕшĕнчен пулăшаççĕ», - тесе çырать хăйĕн социаллă сечĕсенче республика Пуçлăхĕ Радий Хабиров.

Çавăн пекех вăл боецсене мĕн чăрмантарни, мĕн кирли çинчен информаци пухнине пĕлтернĕ. Хальхи вăхăтра гуманитари конвойне йĕркелеççĕ, çывăх вăхăтра вăл малти линине çитĕ.

Юрий СНЕГОПАД.