Асфальтпа бетон завочĕсем ĕçлеме пуçланă

Эрне вĕçĕ тĕлне хуласемпе районсенчи тата 15 завод хăйĕн ĕçне пуçарса ярĕ. Пĕтĕмĕшле путăк-шăтăк юсавĕ вăхăтĕнче 32 завод ĕçлĕ тесе пĕлтернĕ Пушкăртстан Пуçлăхĕ Радий Хабиров.

 - Заводсем ĕçлеме пуçламан вырăнсенче çулсене сивĕ асфальтпа юсаççĕ. Республикăпа муниципалитетсем хушшинчи çулсем çинчи 17 пин путăк-шăтăкран 12,5 пинне юсанă. Кăçал хĕл çăмăл килмерĕ, ăшă температура хыççăн кинет сивĕтнипе çул-йĕр юхăннă. Майĕпен çулсене йĕркене кĕртĕпĕр, - тесе палăртнă Радий Хабиров.