Радий Хабиров пушкăрт чĕлхине вĕренме пулăшакан мультфильм кăтартнă

 - Шăпăрлансене пушкăрт чĕлхине çапла вĕрентмелле – интереслĕ те позитивлă . Паллашсамăр, Айгуль тата Айтуган. Вĕсем сирĕн ачăрсене пушкăрт алфавитĕнчи сас паллисем çинчен каласа парĕç.

«Әлифба» - 3-5 çулхи ачасем валли ÿкернĕ кĕске те позитивлă мультфильмсен серийĕ. Ăна фондран уйăрнă грант укçипе ÿкереççĕ. Проекта Камиль Бузыкаев ÿнерçĕ-карикатурист тата «Башкортостан» киностуди пулăшу панипе «Муха» студи хатĕрленĕ.

Сценаристсемпе ÿнерçĕсемсĕр пуçне серисене ÿкерес ĕçе ача-пăча психологĕсем, музыкантсем тата вĕрентекенсем хутшăнаççĕ. Унччен маларах асăннă мультфильмсене телевиденипе çеç кăтартатчĕç, халĕ социаллă сетьсенче тата проектăн официаллă ушкăнĕнче курма пулать. Ачăрсене кăтартма тăрăшăр, - сĕннĕ Радий Хабиров.