Çумăрсене пула инкеклĕ режим кĕртме пултараççĕ

Ильшат Фазрахманов пĕлтернĕ тăрăх, тыр-пул пухас ĕçсем икĕ эрне каяллах пуçланмалла пулнă, анчах юхтарса çăвакан çумăрсем чăрмантараççĕ.
– Пушкăртстанра виçĕ уйăх норми чухлĕ çумăр çурĕ, хăш-пĕр районсенче – ултă уйăхлăх та. Август уйăхĕн 15-мĕшĕччен çанталăк уяртасси çук. Тăпрара нÿр ытлашши пулнипе пĕтĕм республика территорийĕнче инкеклĕ лару режимĕ кĕртесси пирки документсем хатĕрлетпĕр. Халĕ çакна çирĕплетекен хутсем кĕтетпĕр. Кĕрхи культурăсем шăтма пуçланă, çурхисем чăтаççĕ-ха, – пĕлтернĕ правительствăн вице-премьерĕ – ПР ял хуçалăх министрĕ.
Надежда РОДИОНОВА.