Патшалăх Думине шкулта туртнишĕн штраф тÿлемелли çинчен саккун проектне кĕртнĕ

- Туртакан ачасен шучĕ ÿсни çамрăксен сывлăхĕшĕн пăшăрхану çуратать, - тенĕ Пушкăртстан парламенчĕн спикерĕ Константин Толкачев. -  Пĕлнĕ тăрăх,  аслă классенче вĕренекенсен 60 проценчĕ туртаççĕ.

Табак туртакан аслă çынсенчен ыйтса пĕлни вĕсем пĕрремĕш опытне шкулта туяннине кăтартать.

- Çавăнпа та профилактика ĕçне вăйлăлатас пулать. Ыттисене усал тĕслĕх кăтартса шкулта тата ун таврашĕнче туртакансенчен çирĕпрех ыйтмалла, - хушса каланă Патшалăх Пухăвĕнче.

Патшалăх Думине пăхса тухма янă саккун проекчĕ йĕрке пăсакансене пысăкрах штраф хума палăртать – хальхи 500-1500 тенкĕ вырăнне 2000-3000 тенкĕ таран.

Специалистсем çула çитмен ачасем никотин ытларах усă курма тытăннине пĕлтереççĕ.

- Наркологсем табак туртас кăсăклану ÿснине электронлă хатĕрсемпе çыхăнтараççĕ. Малтан асăннă хатĕрсем сиенсĕр тесе калатчĕç. Туртнине пăслантарнипе те улăштарса пăхрĕç, анчах та ун пек туни сиен хисепне чакармарĕ. Ароматизаторлă вейпсем урлă организма сиенлĕ япаласен пуххи лекет. Эпир никотинпа усă курмалли электронлă хатĕрсене туртнипе пĕр тан тесе  çирĕплетрĕмĕр. Çавăнпа та вĕсемпе обществăлла вырăнсенче усă курма юрамасть. Шкулсенче тĕрĕслеве вăйлатмалла, мĕншĕн тесен çакă çĕнĕ ăрăвăн сывлăхĕпе çыхăннă, - пĕтĕмлетсе каланă Константин Толкачев.