Пушкăртстан пуçлăхĕ урамсене тасатас ĕçе хастартарах ирттерме хушнă

Республика ертÿçи ытти муниципалитетсем çак ĕçпе мухтанмалли çуккине те палăртнă. Çитес эрнери оперативлă канашлура урамсене тасатас ыйтăва чи малтан çĕклессине пĕлтернĕ. Çавăн пекех Радий Фаритович коммуналлă техникăна ĕçсĕр лартмалла маррине те асăрхаттарнă.

- Эпир республикăра тасалăхăн çÿллĕ стандарчĕсене йĕркелерĕмĕр. Çынсене кăларăр, субботниксем йĕркелĕр, - тенĕ вăл. – Ĕпхÿ хули урамсене тирпейлес ĕçе творчествăлла йĕркелерĕ – ĕçе кĕвĕ-юрăпа ирттерчĕç.