+17 °С
Дождь
ÇИВĔЧ ЫЙТУ
5 Июня , 07:00
«Автодор» строительство вăхăтĕнче юхăннă çулсене юсĕ
Июнь уйăхĕн 4-мĕшĕнче Петербургри пĕтĕм тĕнчери экономика форумĕнче ПР Пуçлăхĕ Радий Хабиров «Раççейри автомобиль çулĕсем» («Автодор») патшалăх компани правленийĕн ертÿçипе Вячеслав Петушенкăпа тĕл пулнă. Вĕсем республикăри çул-йĕр сечĕн аталанăвне сÿтсе явнă.
«Автодор» строительство вăхăтĕнче юхăннă çулсене юсĕ
Вячеслав Петушенко пĕрлехи проектсене пурнăçа кĕртессипе Пушкăртстанпа тачă çыхăнса тухăçлă ĕçленине палăртнă. Çавăн пекех «Автодор» ертÿçи «Хĕвелтухăç» («Восток») М-12 федераллă çула тунă вăхăтра юхăннă автомобиль çулĕсене юсассипе çыхăннă планпа паллаштарнă.
- Раççей Президенчĕ регионсене федераллă автомобиль çулĕсене аталантарма тата юсама май паракан закона алă пуснă. Асăннă документ «Автодор» управленийĕн объекчĕсенчи проектсене пурнăçланă чухне укçа-тенкĕпе тивĕçтерме май парать, - тенĕ Вячеслав Петушенко.
Тĕлпулу вĕçĕнче Радий Хабиров тата Вячеслав Петушенко ПР Правительствипе «Автодор» республикăри автомобиль çулĕсене аталантарас енĕпе 2030 çулччен пĕрле ĕçлесси çинчен калакан килĕшĕве алă пусса çирĕплетнĕ.
