Радий Хабиров Пушкăртстан правительстви тухăçлă ĕçленине палăртнă

Республикăн управлени центрĕнче ĕнер, апрель уйăхĕн 6-мĕшĕнче, иртнĕ черетлĕ оперативлă канашлура регион ертÿçи правительство командине тунă ĕçсемшĕн тав сăмахĕ каланă. Радий Хабиров паянхи лару-тăру çăмăл маррине пăхмасăр республикăри 2025 çулхи макроэкономика кăтартăвĕсем лайăх пулнине пĕлтернĕ.

- Республикăра пĕтĕмĕшле тавар туса кăларасси те, инвестици те, бюджет та (дефецит тени вăраха тăсăлнине пăхмасăр) ÿснĕ. Тăкаксем пирĕн питĕ те пысăк. Çавăнпа та 2025 çулта правительство пĕтĕмĕшле пĕтĕçÿллĕ (организованно) те тухăçлă ĕçлерĕç. Хисеплĕ ĕçтешсем, эпĕ сире тепĕр хут тав тăватăп. Анчах та çитĕнÿсемпе савăнса ларма вăхăт çук, малалла ĕçлетпĕр, - тенĕ Радий Хабиров.

Аса илтеретпĕр, иртнĕ эрнере ПР Патшалăх Пухăвĕн- Курултайĕн ларăвĕнче Андрей Назаров премьер-министр правительство 2025 çулта тунă ĕçсен тĕп пĕтĕмлетĕвĕсемпе паллаштарнă.

Пирĕн MАХри канал - https://max.ru/ursassi.

Автор:Юрий Михайлов

Читайте нас

Партнеры