Унта хутшăнас тесен заявкăсене май уйăхĕн 15-мĕшĕччен [email protected] электронлă почтăпа ярса памалла. Заявка валли анкетăна çырса тултармалла, ĕçсен сăн ÿкерчĕкĕсене (3 ĕç таран) тумалла. Кашни ĕçĕн ячĕ, унăн авторĕн хушамачĕпе ячĕ, ашшĕ ячĕ пулмалла. Ĕçсене (ÿкерчĕксене) пир е ватман çинче акрил тата çу сăрăсемпе, акварельпе, гуашпа, пастельпе пурнăçлама юрать. Графика планшечĕ çинчи ĕçсене те йышăнаççĕ.
Курава Пушкăртстан Республикинче пурăнакан мĕнпур хĕрарăм та, ача кĕтнĕ чух е çуратнă хыççăн ÿкерме пуçланисем, хутшăнма пултарать. Тулли информаципе тата правилăсемпе Пушкăртстанăн Çемье порталĕнче www.семьярб.рф е 8(347)286-02-37 номер урлă паллашма май пур. Курава «Телей территорийĕ» Ыркăмăллăх фончĕ, ПР Çемье, ĕç тата халăха социаллă хÿтĕлев паракан министерство, «Башкортостан» телерадиокомпани йĕркелет.