Пушкăртстанри çемье Мускаври «Тăвансем – Юратнисем» форума хутшăнать

«Ильдарпа Лилия Махмутовсен виçĕ ача – Ильяс, Арслан тата Асель. Ашшĕпе амăшĕ вĕсене тăван çĕре, ĕçе, йăла-йĕркесене юратма хăнăхтараççĕ, пĕр-пĕрне упрама тата пулăшма вĕрентеççĕ. Çак нумай ачаллă çемье 2021 çулта Пĕтĕм Раççейри «Çулталăк çемйи» конкурсăн республика шайĕнчи ăмăртура çĕнтернĕ - «Тĕслĕхлĕ пушкăрт çемйи - 2021» («Образцовая башкирская семья – 2021») уçă конкурсра «Çемье хаклăхĕсем» номинацинче мала тухнă». – тесе çырнă республика пуçлăхĕ.

Çамрăксене хавхалантарма Мускаври конкурса вĕсен ашшĕ-амăшĕсем те – Альфирăпа Ахат Муртазинсем тата Загурапа Махмут Махмутовсем – кайнă.

Сăмах май, чăваш çемйи чысне асăннă конкурсра Чăваш Енри Шупашкар муниципаллă округĕнчи Николай Анатольевичпа Алевтина Мефодьевна Семеновсен çемйи хÿтĕлет. Вĕсем пĕрле 20 çул пурăнаççĕ, 5 ача çитĕнтереççĕ.

Юрий СНЕГОПАД.