Алена Силпин черетлĕ çитĕнĕвĕ Пушкăртстан чăвашĕсене савăнтарать

Август уйăхĕн 23-мĕшĕнче Шупашкарти ЮТВ телеканалăн «Çулталăк юрăçи» вун пĕрмĕш конкурсăн пĕтĕмлетĕвне тунă. Сире, хисеплĕ вулакансем, савăнăçлă хыпар пĕлтерме васкапăр – пирĕн ентеш, Алена Силпи юрăç, асăннă конкурсра мала тухнă.

Çавăн пекех Алена Савельева-Максимован çемйи çемье хаклăхне тата чăваш йали-йĕркипе культурине упраса хăварнăшăн «Çулталăк çемйи» премине тивĕçнĕ. Уяв каçĕнче Алена Силпи пушкăрт чăвашĕсен «Тăванăм ту айăккинче утă çулать» юрра шăрантарнă. Юррăн кĕввине çĕнетекенĕ чăваш халăх артисчĕ Елена Шурту пулнă.