«Пĕтĕм Раççейри Васильев вулавĕсем» фестивале йыхравлатпăр

Ăна Пĕтĕм аРаççейри Васильев вулавĕсен ертÿçи Лидия Майорова, председатель тивĕçне пурнăçлакан Анна Сучкова (Мускав облаçĕнчи Солнечногорск хули), Вырăс писателĕсен союзĕ (председателĕ – Анатолий Аринин), «Кăмăл-сипетĕн вырăс академийĕ» наукăпа культурăна тата çут ĕç ĕç-хĕлне аталантарассипе ĕçлекен автономлă коммерци шутне кĕмен организаци, «Раççей офицерĕсем» Пĕтĕм Раççейри пĕрлĕх (Мускав хули) йĕркелĕç. Борис Васильев çыравçă вулакансене хăйĕн «Офицеры», «Аты-баты шли солдаты», «Завтра была война», «А зори здесь тихие…» хайлавсемпе тыткăна илнине палăртса хăвармалла.

Мероприяти тĕллевĕсем - Борис Васильев пултарулăхне халăх хушшинче сарасси тата паллă çыравçăн ятне Солнечногорск хулинчи шкул ачисен тата унта пурăнакансен хушшинче кăна мар, Раççей Федерацийĕнче ĕмĕрлĕхех асра хăварасси;  художествăлла литература урлă Тăван çăршывăн паттăрла историйĕпе тата çар мухтавĕпе паллаштарасси; ачасемпе çамрăксене гражданла тата патриотизмла воспитани парасси; Б. Л. Васильевăн литература еткерне хальхи шкул ачисемпе курсантсем, кадетсемпе студентсем мĕнле хак панине тĕпчесси. Çавăн пекех Тăван çĕршывăн Аслă вăрçин историне вĕренес, Тăван çĕршывăн Аслă вăрçи вăхăтĕнчи хăвăн йăх-несĕлне тĕпчес интереса çуратасси; çемье тата çемье хаклăхĕсен институтне çирĕплетесси пулса тăрать. Унсăр пуçне  Борис Васильев писателĕн кун-çулне тĕпчесси; унăн хайлавĕсем пулăшнипе çамрăк тата аслă ăру хушшинче пултаруллă çынсене тупса палăртасси; «Пĕтĕм Раççейри Васильев вулавĕсем» фестивале хутшăнакансен чи лайăх сăн ÿкерчĕкĕсен куравне йĕркелесси тата ытти те кĕрет.

Мероприяти шайĕнче çакăн йышши конкурссем иртĕç: сочиненисен конкурсĕ;  эссе конкурсĕ; проза хайлавне илемлĕ вуласа парасси; илемлĕ сăвă вуласси; çыравçăн пултарулăхне тата биографине халалланă сăн ÿкерчĕксен конкурсĕ; авторла сăвăсен конкурсĕ; çыравçăн пултарулăхĕ тăрăх лартнă сценкăсен конкурсĕ; «Скульптура» конкурсĕ; «Борис Васильева вулатпăр» акци.

Ăмăртусене 7-9, 10-12, 13-15, 16-21 тата 22 çултан аслăраххисем хутшăнма пултараççĕ. Заявкăна тата ĕçсене vasilevskiye.chteniya@mail.ru электронлă адреспа 2025 çулхи март уйăхĕн 1-мĕшĕччен ярса памалла. Çĕнтерÿçĕсене дипломсемпе, электронлă сертификатсемпе, спонсорсем уйăрнă ятарлă парнесемпе чыслĕç.  

Фестивалĕн положенийĕпе тĕплĕнрех çак ссылка урлă паллашма пулать: https://mcb-hval.srt.muzkult.ru/media/2024/09/23/1333324140/XI_Vserossiejskie_Vasil_evskie_chteniya_2024-2025._Put_k_Velikoj_Pobede.pdf

Йĕркелÿçĕсем.