Пурне те хапăл туса кĕтетпĕр

Чăваш литературине никĕслекен пултаруллă поэтăн Константин Ивановăн 135 çулхи юбилейĕпе çыхăннă уяв мероприятийĕсем май уйăхĕн 29-мĕшĕнче Слакпуç ялĕнче иртĕç. Уяв 11.00 сехетре республикăри районсемпе хуласенчен тата тĕрлĕ регионсенчен килнĕ хăнасем пухăннипе пуçланĕ.

Вилĕмсĕр «Нарспи» поэма авторĕн музейне, Нарспи çăлкуçне çитсе курасси, палăк умне чĕрĕ чечексем хурасси яланхи йăлапа пулса иртĕ. Ун хыççăн 13.00 сехетре ялти культура çуртĕнче «Поэт кунĕ» концерт программи пуçланĕ.

Сăн ÿкерчĕксенче ирнĕ çулхи мероприяти сăнланнă.