«Нарспи» çĕнĕрен сцена çине тухнă

Тĕп сăнарсем пирки те пĕр-ик сăмах каласа хăвармалла. Нарспи рольне – Антонина Казеева, Сетнере – Евгений Урдюков, Михетере – Валерий Карпов, Тăхтамана Петр Садовников артистсем вылянă. Спектаклĕн илемлĕх ертÿçи – Раççей Федерацийĕн, Калмăк тата Тыва республикисен тава тивĕçлĕ искусство деятелĕ Борис Манджиев, режиссерĕ – Дмитрий Миронов, ÿкерÿ ăсти – Валентина Федорова, кĕвĕ ăсти – Лолита Чекушкина композитор.

Çĕнетнĕ «Нарспине» пăхма Раççей регионĕсенчен те халăх йышлă пухăннă. Çав шутра Пушкăртстанран та сакăр çынран тăракан сумлă делегаци (ертÿçи – Владимир Яковлев) кайнă. Константин Иванов çĕршывĕнчен килнĕ хăнасем спектакль питĕ килĕшнине палăртнă. Çавăнпа та куракансене май тупса кайса курма сĕнеççĕ. Çывăх вăхăтра вăл декабрь уйăхĕн 24-25-мĕшĕсенче иртĕ.