Ялти 150 культура ĕçченĕ 1 млн тенкĕлĕх сертификатсем илнĕ

Пушкăртстанра тăватă çул хушшинче асăннă программăпа 150 специалиста пĕр хутчен парăнакан хавхалантармалли тÿлевсем панă. Иртнĕ çул асăннă сертификатсене 30 ĕçчене уйăрнă. Вĕсен хушшинче - 18 культурăпа кану учреждени ĕçченĕсем, тăхăр ача-пăча ÿнер шкулĕн вĕрентекенĕсем тата виçĕ музей ĕçченĕ.

Заявкăсене суйланă чух комисси чи малтан ĕçченсен ÿсĕмне,  ятарлă пĕлÿллĕ пулнине, ĕç вырăнĕ ялта е 50 пин  çынна çитиччен хулара пулнине, пĕр е ытларах ставкăпа ĕçленине те  шута илнĕ, – каласа панă Пушкăртстанри культура министрĕ Амина Шафикова.

Культура министрĕн сăмахĕсем тăрăх, кăçал культура учрежденисене специалистсене явăçтармалли программа çула тухнă. Унпа килĕшÿллĕн, çын çирĕплетнĕ списокран ваканси суйласа илет те пĕр хутчен парăнакан тÿлеве илме заявлени çырать. Программăна хутшăнакансем хăть хăш ÿсĕмри çынсем те пулма пултараççĕ. Тĕп услови – суйласа илнĕ учрежденире 5 çултан кая мар ĕçлемелле.

Астутарасшăн, «Земство культура ĕçченĕ» регионти программа 2021 çулта ĕçлеме пуçланă, ун тăрăх специалистсем пĕр хутчен парăнакан 500 тенкĕ тÿлев илме пултарнă. 2023 çултан укçа хисепне пĕр миллион тенке çитернĕ, унпа пурăнмалли  çурт-йĕр, автомашина туянма юрать.