«Раççей» пĕтĕм тĕнчери курав-форумри Пушкăртстан стенчĕшĕн сасăлар

Пушкăртстан кунта хăйĕн стендне кăтартать. Вăл космос вĕçевĕнчи карапа аса илтерет, регионăн çитĕнĕвĕсемпе аталанăвне сăнласа парать.

«Раççей» куравĕн сайчĕ çинче сасăлав йĕркеленĕ, ун тăрăх çĕршывра пурăнакансем, хăйсем сасăлава хутшăннипе, чи лайах стенда суйласа илме май пулĕ. Ыйтăма хутшăнакансем темиçе номинацире сасăлама пултараççĕ. Çав шутра чи лайăх социаллă пуçарусем, аталанусем тата инновацисем енĕпе.

Сасăлава хутшăнас тесен «Раççей» курав-форумăн сайтне  https://russia.ru/voting/region ссылкăпа кĕмелле. Унтан интерактивлă карта çинче Пушкăртстана тупмалла та мĕнпур номинацисемшĕн сасăламалла.

«Раççей» курав-форумра Пушкăртстан экспозицийĕ регионăн тĕрлĕ сферинчи çитĕнĕвĕсемпе паллаштарать. Кашни кунах стенд лапамĕнче тематика мероприятийĕсем, парнесем вылятарассине йĕркелеççĕ, артистсем куракансене  юрă-кĕвĕпе кĕтсе илеççĕ, савăнăç парнелеççĕ. Пушкăртстан куравĕн программипе тĕплĕнрех официаллă сайтра паллашма пулать.