Пушкăртстан аграрисем «Ылтăн кĕркунне» куравра темиçе медаль çĕнсе илнĕ

Çак кунсенче отрасль конкурсĕсен çĕнтерÿçисемпе призерĕсене чысланă. Пушкăртстанри Ял хуçалăх министерстви пĕлтернĕ тăрăх, республика аграрийĕсем темиçе теçетке медаль илме тивĕçнĕ.

Отрасльти вĕрентÿ учрежденийĕсен представителĕсем – Пушкăрт патшалăх аграри университечĕ тата колледжсем - ылтăн, кĕмĕл тата бронза комплекчĕсене çĕнсе илни уйрăмах савăнтарать. Ылтăн тата кĕмĕл медальсен хуçи – Ял хуçалăх енĕпе консультаци паракан центр. Çавăн пекех апат-çимĕç продукцийĕсем туса илекенсен те чылай медаль илме тивĕçнĕ.