Ĕпхÿри Нестеров музейĕнче Третьяковка галерейинчи ĕçсенчен курав йĕркелĕç

Курава 49 живописьпе çыхăннă, галерейăшăн пĕлтерĕшлĕ ÿкерчĕк кĕрет. Унта паллă вырăс художникĕсем ÿкернĕ пейзажсемпе портретсене курма пулĕ. Экспозици пейзаж тата портрет искусствин аталанăвне кăтартса паракан тăватă пайран тăрать. Кунта килекенсем  А.К. Саврасовăн, В.Д. Поленовăн, И.И. Левитанăн, И.И. Шишкинăн, В.Г. Перовăн, Л.Л. Каменевăн, К.А. Коровинăн, В.А. Серовăн, В.Э. Борисов-Мусатовăн, И.Э. Грабарьăн, Н.В. Мещеринăн, М.Ф. Ларионовăн, Н.С. Гончаровăн тата ытти живописьпе ĕçлекен художниксен ĕçĕсемпе паллашма пултараççĕ.

Курав Нестеров музейĕпе Третьяковка галерейи нумай çул хушши туслă та кăмăллă çыхăну тытнине çирĕплетет. Çавăнпа та вăл Ĕпхÿпе республикăшăн пĕлтерĕшлĕ пулăм шутланать.  

+6

Юрий СНЕГОПАД.