«Асăну пахчисенче» 2 млн хунав лартĕç

Пушкăртстанра вăрман культурин сезонĕ пуçланнă, вăл май уйăхĕн 13-мĕшĕччен пырĕ. Унăн витĕмĕпе «Асăну пахчи» экологипе патриотизм акцийĕ те иртет. Акци валли 600 гектарпа танлашакан 208 вăрман лаптăкĕ хатĕрленĕ. Вĕсенче 2 млн яхăн хунав лартĕç тесе пĕлтернĕ ПР Вăрман хуçалăхĕн министерствинче.

Кăçал «Асăну пахчине» Тăван çĕршывăн Аслă вăрçинче çĕнтернĕренпе 85 çул çитнине халаллĕç. Пуçласа хунавсене вăрçă геноцичĕнчен инкек тÿснисене асра тытса лартĕç. Çавăн пекех акци шайĕнче ятарлă çар операцине хутшăнакансене ĕмĕрлĕхе асра хăварас ĕç те малалла тăсăлĕ.

Тĕп мероприяти Нуриман районĕнче Байгильдино ялĕ çывăхĕнче иртĕ. Унта икĕ гектар çинче 8 пин хырпа çăка тата каврăç хунавĕ лартса Паттăрсен вăрманне никĕслĕç. Асăннă акцие «Экологи ырлăхĕ» наци проекчĕ шайĕнче йĕркелĕç.

Автор:Ирида Матниязова

Читайте нас

Новости партнеров