Пĕрремĕш кандидата регистрациленĕ

Июль уйăхĕн 8-мĕшĕнче ПР Тĕп суйлав комиссийĕ ПР Пуçлăхĕ пулма тăратнă çынсенчен (вĕсем пурĕ 11) пĕрне Радий Хабиров кандидата регистрациленĕ, ăна ятарлă удостоверени панă.

Комисси ларăвĕ хыççăн вăл суйлав умĕнхи кампани пирки хăйĕн шухăшне пĕлтернĕ – дебатсене хутшăнмассине систернĕ.

- Нивушлĕ çын виçĕ минут хушшинче ман çинчен хальхинчен ытларах пĕлме пултарĕ? Эпĕ пур çĕрте те тĕлпулу вăхăтĕнче çынсемпе калаçатăп-çке, - тенĕ регион ертÿçи журналистсене. - Манăн хам çинчен каласа памалли çук – эпĕ уçă ĕçлетĕп. Çавăнпа та çынсен мĕн курнине шута илсе йышăну тумалла тесе шутлатăп.

Çавăн пекех Радий Хабиров Пушкăртстанра суйлав хыççăн премьер-министр должноçĕ пуласси çинчен пĕлтернĕ.

Юрий НИКОЛАЕВ.

Читайте нас