Раççейре ĕçсĕр юлнисен шучĕ чакнă

Раççей Президенчĕ Владимир Путин пĕлтернĕ тăрăх‚ паянхи Раççей историйĕнче пуçласа ĕçсĕрлĕх шайĕ чакнă.

- Январь-сентябрь уйăхĕсенче ĕçсĕр юлнисен шучĕ çĕршывра вăтамран 4‚6 процентпа танлашать. Çакă вăл Раççейĕн паянхи историйĕнчи чи пĕчĕк кăтарту шутланать. – тенĕ В.Путин.

Сентябрь уйăхĕн варринче кăçалхи август уйăхĕнче Раççейри ĕçсĕрлĕх виçи июль уйăхĕнчипе танлаштарсан 106 пин çын чухлĕ чакнине палăртнă. Ку вăл пĕтĕмĕшле 3 млн та 258 пин çынпа тÿр килет. Çак кăтартăва процента çавăрсан‚ вăл 4‚3% пулать. Асăннă кăтарту историри минимума çĕнетнĕ.

- Çав вăхăтрах экономика аталанăвĕн кăтартăвĕсем чакнине пăхмасăр‚ Раççейре унăн позитивлă динамики сыхланса юлнă. Иртнĕ çул çĕршывăн шалти пĕтĕмĕшле продукчĕ 2‚3 % танлашрĕ. Кăçалхи çулăн 3 кварталти кăтартусем 1‚1% чакнă. Экономика аталанăвĕн министерстви пĕлтернĕ тăрăх‚ иккĕмĕш çурçултан çĕршывăн шалти пĕтĕмĕшле продукчĕ самаях ÿснĕ‚ –хушса хунă çĕршыв пуçлăхĕ.

Ирида НОВИКОВА.