25 çамрăк ăсчах Пушкăртстан грантне тивĕçнĕ

Наукăн тĕрлĕ енĕсенче инноваци проекчĕсемпе ĕçлекен 25 çамрăк ăсчах 2020 çулшăн Пушкăртстан Республикин грантне илме тивĕçнĕ. Çак ыйтупа çыхăннă указа республика пуçлăхĕ Радий Хабиров алă пусса çирĕплетнĕ. Февраль уйăхĕн 12-мĕшĕнче ПР Правительство Çуртĕнче чаплă лару-тăрура кашнине 1 млн тенкĕ парса хавхалантарнă.

Правительство пресс-службинче ăнлантарса панă тăрăх‚ çĕнтерÿçĕсен списокне республика грантне çĕнсе илессипе йĕркеленĕ çамрăк ăсчахсен проект конкурсĕн пĕтĕмлетĕвĕсем тăрăх хатĕрленĕ.

Ирида НОВИКОВА.