Колледжсем те дистанциллĕ вĕрентĕве куçаççĕ

Студентсене коронавирус чирĕпе чирлесрен асăрхаттарас тесе аслă шкулсене март уйăхĕн 16-мĕшĕнчен дистанциллĕ вĕрентÿ процесĕ çине куçарнăччĕ. Çак эрнерен асăннă йышăну колледж студенчĕсене те пырса тивет. Регионти вĕрентÿ тата наука министрĕ Айбулат Хажин пĕлтернĕ тăрăх‚ март уйăхĕн 23-мĕшĕнчен Пушкăртстанри 96 колледж дистанциллĕ вĕрентĕве куçать. Асăннă вĕрентÿ процесĕ çине куçнă вăхăтра нимĕнле йывăрлăхсем те пулманнине республикăри Хÿтĕлев министерствин пуçлăхĕ палăртса хăварнă.

Тăлăх ачасемпе ют çĕршывсен студенчĕсем санитари нормисене пăхăнса общежитисенчех пурăнаççĕ. Вĕсем юлташĕсем пекех дистанциллĕ вĕрентÿ системине куçаççĕ.

Ирида НОВИКОВА.