Пĕчĕк хуçалăхсене аталантарма 660 млн тенкĕ уйăрĕç

Пушкăртстанра агропромышленность комплексĕн отраслĕсене тата пĕчĕк хуçалăхсене аталантарма 660 млн ытла тенкĕ уйăрса парĕç. Республика бюджетĕнчен парăнакан субсиди йĕркипе ПР Правительствин Президиум ларăвĕнче паллаштарнă.

- Субсидисемпе тĕш тырă тата пăрçа йышши‚ çу паракан культурăсенчен‚ çимĕç паракан йывăçсенчен‚ сĕтрен продукци туса кăларакан‚ çавăн пекех аш-какай паракан выльăх-чĕрлĕх тата сурăх ĕрчетекен пĕчĕк хуçалăхсене аталантарĕç‚ – тенĕ ПР ял хуçалăх министрĕ Ильшат Фазрахманов. – Çав шутра федераллă бюджетран 586‚1 млн тенкĕ‚ республикăран 79‚9 млн тенкĕ уйăрма палăртаççĕ.

Ирида НОВИКОВА.