Раççейре канмалли кунсем апрель вĕçĕччен пулĕç

Апрель уйăхĕн 2-мĕшĕнче Раççей Президенчĕ Владимир Путин Раççей çыннисене чĕнсе каланă сăмахĕсенче канмалли кунсене апрель уйăхĕн 30-мĕшĕччен тăсăлĕ тесе пĕлтернĕ. Асăннă мера коронавирус чирĕ сарăлассине чакарма пулăшать теççĕ.

Çĕршыв пуçлăхĕ малтанхи пекех ĕçлемен кунсемшĕн ĕç укçине тÿлессине те шантарнă.

- Ĕçлемен эрне тата çынсем хăйсене изоляциленĕ режим вăхăта перекетлеме пулăшрĕ. Çак эрне хушшинче хамăр тата ытти çĕршывсен опытне тĕпе хурса эпидемие хирĕç кĕрешме ресурссем хатĕрлерĕмĕр. Анчах хăрушлăх пур. Вирусологсем пĕлтернĕ тăрах, пĕтĕм тĕнчере, çав шутра пирĕн çĕршывра та эпидеми чикки иртмен. Çакна шута илсе апрель уйăхĕ вĕçĕччен канмалли кунсем пулĕç. Ĕçлекенсен ĕç укçине те сыхласа хăварăпăр, - тесе палăртнă президент.

Ирида НОВИКОВА.