Икĕ пин хÿтĕлев костюмĕпе респиратор туяннă

Ĕпхÿ хула мэрийĕ çак кунсенче сывлăх сыхлав ĕçченĕсем валли 2 пин ятарлă хÿтĕлев костюмĕпе респиратор туяннă. Çак ĕçе тума хула администрацин пуçлăхĕ Ульфат Мустафин хушу панă.

Кашни çын валли уйăрнă хÿтĕлев хатĕрĕсене тĕп хулан кăшăлвирус инфекцийĕпе кĕрешекен тата COVID-19па чирлеме пултаракан иккеленÿллĕ пациентсене тĕпчекен медицина учрежденийĕсене илсе çитернĕ те ĕнтĕ. Çав шутра хÿтĕлев костюмĕсемпе тата респираторсемпе Куватов ячĕллĕ республикăри клиника больницин, хулари поликлиникăсен ĕçченĕсене тенĕ мэрин пресс-служби.

Юрий СНЕГОПАД.