Маскăсемпе перчеткесем тăхăнмалла

Пушкăртстанра обществăлла транспортпа çÿрекенсене маска тата перчетке тăхăнма хушнă. Кун çинчен республика пуçлăхĕн апрель уйăхĕн 17-мĕшĕнче кăларнă хушăвĕнче СОVID-19 инфекци хăрушлăхĕнчен сыхланмалли хушма мерăсем çинчен калакан документра çырнă. Асăннă йĕркесене чугун çул станцийĕсенче, чарăнусенче, вакунсенче, пур автобуссенче те пăхăнмалла.

Пушкăртстанра обществăлла транспортпа çÿрекенсене маска тата перчетке тăхăнма хушнă. Кун çинчен республика пуçлăхĕн апрель уйăхĕн 17-мĕшĕнче кăларнă хушăвĕнче СОVID-19 инфекци хăрушлăхĕнчен сыхланмалли хушма мерăсем çинчен калакан документра çырнă. Асăннă йĕркесене чугун çул станцийĕсенче, чарăнусенче, вакунсенче, пур автобуссенче те пăхăнмалла.

Çавăн пекех асăрханулăх мелĕсемпе лавккасене кайнă чух та усă курмалла.

- Харпăр хăй сыхлану мелĕсемпе усă курăр, ытти çынсенчен 1,5-2 метр хушă тытăр, алăсене супăньпе лайăх çăвăр, телефон, гаджетсене, пластик карточкăсене тата ытти тăтăшах усă куракан япаласене дезинфекци шĕвекĕсемпе сăтăрăр, питĕре алăсемпе ан тытăр, - сĕнеççĕ санитари тухтăрĕсем.

Инга АЛЕКСЕЕВА.

Читайте нас