Водитель ашшĕшĕн кулянса хăй çине алă хунă

Благовещенск районĕнче пулса иртнĕ çул çинчи авари хыççăн хурçă ут водителĕ хăйне хăй вĕлернĕ. Тĕп сăлтавĕ – пăтăрмах вăхăтĕнче унăн ашшĕ вилнĕ. Çак хуйха чăтаймасăр тата хайĕн айăпне туйса арçын пурнăçран уйрăлнă тесе пĕлтернĕ Пушкăртстанри ШĔМĕн Çул-йĕр хăрушсăрлăх патшалăх управленинче.

Инкек май уйахĕн 9-мĕшĕнче ирхине Благовещеск – Павловка – Эманино çул çинчи 15-мĕш çухрăмра пулса иртнĕ. Нуриман районĕнчи 37 çулхи водитель УАЗ автомобильпе пынă чухне кювета анса кайнă. Хурçă ут çаврăнса ÿкнĕ. Шăпах çав вăхăтра 60 çулхи пассажир, водителĕн ашшĕ, вилмеллех аманнă та вырăнтах чĕри тапма чарăннă. Ывăлĕ çакăн пек çухатăва чăтса ирттереймен, хăй çине алă хунă.

Хальхи вăхăтра пулса иртнĕ ĕç-пуçа уçăмлатаççĕ.

Юрий СНЕГОПАД.