Пособи виçисене çĕнĕлле шутлама пуçланă

Пушкăртстанри ĕçпе тивĕçтерекен центрсем июнь уйăхĕн 13-мĕшĕнче вăя кĕнĕ Раççей правительствин постановленине шута илсе (унта улшăнусем кĕртнĕ) пособисене çĕнĕрен шутлама пуçланă. Çакăн çинчен канашлура çемье, ĕçпе социаллă хÿтлĕх министрĕ Ленара Иванова пĕлтернĕ.

Пушкăртстанри ĕçпе тивĕçтерекен центрсем июнь уйăхĕн 13-мĕшĕнче вăя кĕнĕ Раççей правительствин постановленине шута илсе (унта улшăнусем кĕртнĕ) пособисене çĕнĕрен шутлама пуçланă. Çакăн çинчен канашлура çемье, ĕçпе социаллă хÿтлĕх министрĕ Ленара Иванова пĕлтернĕ.

Укçа-тенкĕ тÿлес улшăнусем çаксем пулĕç:

минимум шайĕнчи пособие 1725 тенкĕрен 5175 тенке çити ÿстерĕç, ăна май уйăхĕнчен пуçласа июль уйăхĕччен тÿлĕç;

пĕтĕм граждансене тÿлекен пособи виçине (пандеми вăхăтĕнче ĕç вырăнне çухатнисем çеç мар), çулĕ çитмен ачасем пуррисене те, виçĕ уйăха (июнь – август) ÿстерĕç;

март уйахĕн 1-мĕшĕнчен ĕçлеме чарăннă предпринимательсен пособине 1725 тенкĕрен 13949 тенке (МРОТ шайĕнче) çитерĕç;

март уйăхĕн 1-мĕшĕнчен пособи илме чарăннисене çăмăллăхпа усă курассине тата виçĕ уйăха тăсĕç.

Официаллă кăтартусем тăрăх,паянхи кун Пушкартстанра 80,3 пин ĕçсĕр çынна шута илнĕ. Ку вăл ĕçсĕрлĕх 5 процента çитнине пĕлтерет. Федераллă бюджетран пособисем тÿлеме 1,6 млрд тенкĕ уйăрĕç.

Инга АЛЕКСЕЕВА.

Читайте нас