Пушкăртстанра Раççей курорчĕсенчен таврăннă туритсене COVID-19 тест тăвĕç

Кăшалвирус инфекцине хирĕç кĕрешекен оперативлăштабра иртнĕ канашлу вăхăтĕнче Раççейĕн кăнтăр курорчĕсенчен килнĕ çынсене пурне те тĕрĕслеме йышăннă.

«Башинформ» пĕлтернĕ тăрăх, республикăна килнисене пурне те, вĕсем унтан мĕнле майпа таврăннине пăхмасăрах (самолетпа-и, поездпа-и, хăйсен автомобилĕпе-и), COVID-19 вирус пуррипе çуккине тĕрĕслемелли тест тăвĕç. Штаб членĕсем ку кирлĕ мера тесе йышăннă. Мĕншĕн тесен курортсенче социаллă дистанцие пăхăнмаççĕ тата маскăсем те тăхăнса çÿремеççĕ. Унсăр пуçне хăш-пĕр хуласенче кăшăлвирус питĕрех те вăйлă сарăлакан вырăнсем те пур. Уйрăмах Сочи, Адлер, Анапа, Ялта, Алушта тата Евпатори хулинчен килнисене тĕплĕн тĕрĕслĕç.

Надежда РОДИОНОВА.

#Башкортостан#Уралсасси#национальныепроекты#здравоохранение