100 килограмм ĕне ашне çунтарнă

Пушкăртстанра Кăнтăр Америкăран илсе килнĕ 100 кг яхăн ĕне ашне çунтарнă. Раççей Ял хуçалăх надзорĕн регионти управленийĕн информацийĕ тăрăх‚ Ĕпхÿри «Мясоптторг» ОООна 92‚8 кг таякан шăмăсăр аша ящур чирĕ сарăлнă территоринчен илсе килнĕ.

Раççей Ял хуçалăх надзорĕн регионти управленийĕн ĕçченĕсем Ĕпхÿ хула ветеринари станцин тата ПР Ветеринари управленийĕн специалисчĕсемпе пĕрле аша кĕл пуличчен сакăр сехет хушши çунтарнă. Унсăр пуçне аш-какай упраннă вырăнта ятарлă хутăшпа дезинфекци ирттернĕ.

Ирида НОВИКОВА.